میر محمود ورزقانلی، قره داغلی شاعر

  دوشنبه، 22 دی 1399   زمان مطالعه 1 دقیقه
استاد حسین دوستی : میر محمود ورزقانلی، قره داغلی شاعر
قره‌داغ ماحالي، آذربايجانين بير محتشم بؤلگه‌سي‌ ديركي اونودولماز شخصيتلر بئجرديب و آذربايجانين شعر و موسيقي اوجاقلاريندان ساييلير. استاد حسین دوستی قره داغین تاریخینین حاقیندا چوخ کتابلار یازیپ. بیر کتابیسا، قره داغ شاعلرینه گؤره دیر. "بیر دسته گؤل" آدیندا، بو کتاب، قره داغ شاعرلرینین دویغولارین آناتماغا چالیشیر. ساعد نیوز

قره داغ، وطنيميزين چيرپينان اوره گي، گؤره ن گؤزودور. اونون صفالي سيرا داغلاري، گؤزه ل هاواسي، ياشيل مئشه لري، دره لر بويو شاققيلتي ايله آخان سولاري، باش ـ باشا وئريب، قره داغلي لار كيمي دوشونجه لي انسانلار، هنرمندلر بؤيوتموشدور. سايسيز قالالار و مقدس آبيده لرين قره داغدا يئرله شمه سي، تصادفي حال دئيلدير.

آذربايجانين طنزه ماييل احساسلي شاعرلريندن بيري ده «ميرمحمود ورزقانلي» ديركي «چاووش ميرمحمود»دا دئييلردي. ميرمحمود 1310 ه‍ . ق (1271 ه‍ . ش) ايللرده هريس ياخينليقيندا اولان «ورزقان» ولايتينده ياشارميش. ميرمحمود بير زامان «خشكنابلي سارا» آدلي بير قيزا مفتون اولور. لاكين بو ولايتين مولكدارلاريندان بيري نين اوغلو، ساراني زورلا اوزونه عيال ائدير. ميرمحمود، او زامانين آذربايجان حاكيمي «امير نظام حسنعلي خان گروسي»يه شكايت ائله يير، بير فايدا اولمور. بو دؤنه، اؤز شكايتين شعرله طرح ائدير:

سنه قربان اولوم آي اميرنظام
گون به گون ايشلرين نظاما گَلسين
اولدوره رسن مني، قانيم حلالين
بو شرط ايله «سارا» عزاما گَلسين

***

امير باتما من فقيرين آهينا
اوزومو توتموشام قيبله گاهينا
بير نامه يازارام نجف شاهينا
گوتورسون عبّاسي، چاراما گَلسين

***

«ميرمحمود»ام بيجا دئمم سؤزلري
نرگيز شهلايه بنزه ر گؤزلري
نه حقي وار بو خانلارين قيزلري
گؤزه لليكده منيم ساراما گَلسين؟

آمّا نه يازيق كي بو شعرلرده بير اثر الده ائده بيلمير، ميرمحمود گئجه ـ گوندوز ناكامليق اودونا ياينيب، كول اولور. ميرمحمود سارانين آيريليقيندا اوره ك يانديجي شعرلر يازير، گئجه ـ گوندوز ايشي آه و ناله اولور. بير قوشمادا، سارانين فراقيندا بئله يازير:

«قوس»ين كناريندا «عقرب» ايچينده
طالعيمه شوم ستاره دوشوبدور
خاراب قالميش بو بر بادين كونجونده
كيم منيم تك، بختي قاره دوشوبدور؟

ماييل اولدوم جمالي نين بدرينه

ماه و مهرين قربي نه دير، قدري نه؟
بير نظر ائيله ديم بياض صدرينه
گؤزلريم دئيه سن قاره دوشوبدور

«ميرمحمود»ي ياري سالماز يادينا
رحم ائله مز غملي كؤنلون دودونا
سئوديم «سارا» دوشدوم نمرود اودونا
ساناسان كي خليل ناره دوشوبدور


دیدگاه ها
تیتر امروز   
ارسال نامه نمایندگان کرد به مقام معظم رهبری در پی حاشیه آفرینی صدا و سیما تحریم‌های دولت ترامپ بازنگری می‌شوند توافق کلی برای برگزاری انتخابات الکترونیکی در ۱۳۹ شهر کمیته امداد آماده ساخت مسکن برای همه افراد تحت پوشش است رهبر جمهوریخواهان سنا: ترامپ مهاجمان به کنگره را تحریک کرده بود حکم زندان برای 2 بازیکن فوتبال بخاطر فیلم سیاه یک زن خودکشی مهناز افشار + جزییات و انگیزه فیلم دستمالی بدن زن چادری در بازرسی یک مامور / جنجالی شد میخوای تموم دنیا نوشته هاتو بخونن؟ چرا معطلی همین الان کلیک کن!! در خانه بشین و با ترجمه میلیاردر شو! خاموشی‌ها ارتباطی به ماینرها ندارد/ استخراج بیت‌کوین غنیمت است قرارداد رژیم صهیونیستی با فایزر فاش شد/ تجارت اطلاعات با واکسن تاکید ایران و روسیه بر همکاری مشترک در زمینه تولید خودرو،هواپیما، بالگرد و کشتی‌سازی راهپیمایی ۲۲ بهمن به صورت خودرویی برگزار می‌شود واکسن مشترک کوبا و ایران وارد مرحله جدید آزمایش در هاوانا شد
/
/
/
/
/