قره داغ شاعرلری اؤزرینه

استاد حسین دوستی در سال 1338 در اهر متولد شد.درمحیط خانواده ای با زهد و تقوا پرورش یافت.تحصیلات ابتدایی رادر دبستان شمس و دوره راهنمایی رادر مدرسه راهنمایی شماره یک پسران و دوره دبیرستان را در دبیرستان پهلوی (شهید مدرس کنونی) به پایان رسانید.سال 1356به عنوان شاگرد دوم فارغ التحصیل دانشسرای مقدماتی پسران شهرستان اهر بدون ازمون ورودی در دانشسرای راهنمایی تحصیل پذیرفته و در رشته زبان انگلیسی موفق به دریافت فوق دیپلم شد.از سال 1358 به تدریس زبان انگلیسی در مدارس هوراند و خدافرین و اهر پرداخت و سال 1373 از مرکز اموزشی عالی تبریز مدرک لیسانس مدیریت اموزشی دریافت کرد. استاد حسین دوستی صاحب بیش از 62 عنوان اثر درباره تاریخ و ادبیات آذربایجان به زبان های فارسی و ترکی آذربایجانی است. کتاب "بیر دسته گول" در 400 صفحه حاوی اشعار و معرفی شاعران منطقه قره داغ آذربایجان ایران است. در اینجا، مقدمه زیبای کتاب به زبان ترکی تقدیم علاقمندان به تحقیق و پژوهش در ادبیات آذربایجان و ساعد نیوز می شود:

گؤزه لليكلر يوردو، قوچاقليقلار بئشيگي اولان، مقدس تورپاغيميز آذربايجان، ائله جه ده هنر و ادبيات اوجاغي اولموشدور. اينجه خياللي، ده رين دوشونجه لي و عمومِ بشريت اوچون سعادت آرزيلي شاعرلر بئجرميشدير. قره داغ ماحالي، آذربايجانين بير محتشم بؤلگه سي ديركي اونودولماز شخصيتلر بئجرديب و آذربايجانين شعر و موسيقي اوجاقلاريندان ساييلير.

قره داغ، وطنيميزين چيرپينان اوره گي، گؤره ن گؤزودور. اونون صفالي سيرا داغلاري، گؤزه ل هاواسي، ياشيل مئشه لري، دره لر بويو شاققيلتي ايله آخان سولاري، باش ـ باشا وئريب، قره داغلي لار كيمي دوشونجه لي انسانلار، هنرمندلر بؤيوتموشدور. سايسيز قالالار و مقدس آبيده لرين قره داغدا يئرله شمه سي، تصادفي حال دئيلدير. قره داغلي لارين ايللر بويو يابانجي لار اؤنونده دايانيب، آزادليق يولوندا مبارزه آپارماقلاري، ادّعاميزي ثبوت ائدير. اؤنا گؤره ده سنگرلرده بوي آتان آزادليق سئوه ن بير ملّت، سازسيز و سؤز سوز ياشايا بيلمه زدي. قره داغ، آشيقلار و شاعرلر مسكني دير. هله اونون آشيقلاري، شاعرديلر. قره داغدا آنادان اولان اوشاقلار، ائله بيل شاعر دنيايا گليرلر. آنالارين لايلاسيلان بوي آتيب، آشيقلارين سازينان توي ائله ييب، ننه لرين آغي لاري و اوخشامالارينان دا تورپاغا گئديلّر!

قره داغ شاعرلري، وقارلي، كونلوتوخ انسانلارديلار. اولار شهرت ايچون شعر يازماييب لار، ادعاسيز شعر يازيب، گئجه گوندوز اثرلر ياراديب، ادبياتيميزا بويوك خدمتلر ائديبلر. اولارين شعرلري، خالقين اوره يينده يئر توتوب، ديلدن ديله آخيب، شهر به شهر يول آچيب، قولاغلاردا قاليب. كتابسيز، دفترسيز، بير بويوك ديوان ياراديبلار.

قره داغ شعرينده، ايسته رسه كلاسيك فورمالاردا، ايسته رسه سربست شعرده، وطن دويغوسو، خالقا باغليليق، سئوگي محبتي، ديني ـ عرفاني ايديال لار، طبيعت وورغونلوغو،... دالغا ووروب، اوخوياني ـ ائشيده ني واله ائدير.

قره داغ بؤلگه سيني مختلف ماحاللار تشكيل ائدير. بو شعر مجموعه سينده ـ قره داغين 18 ماحالينين شاعرلريندن سوز آچيليب. آللي گوللو يايلاقلاردان، دومانلاردا گيزله نن قاياليقلاردان، داغلارين آراسيندان، شوش قايالارين باشيندان، عطيرلي چيچكلرين اويلاغيندان، محبتلي ـ سئوينجلي ائولرين اوتاغيندان، بوتون كندلردن، اوبالاردان، شه هه رلردن، شاعرلرين سراغينا گئديب، اولاردان شعرلر گتيرميشيك. اهر، كلئيبر، خودافرين، هريس، ورزقان، خاروانا، هوراند،...! شاعرلرين آدي، ياشاييش تاريخي اساسيندا يازيليب و رديف لنيبدي.

استاد رحمان مشتاق مهر : در بزرگداشت مقام استاد شهریار و روز شعر و ادب فارسی